Bloodlands 20/22 Belarus/Ukraine – дыхтоўны фотаальбом з вершамі, створаны Алесем Плоткам і фатографамі Алесем Пілецкім і Станіславам Крупажам. У фокусе аўтараў — «крывавыя землі» Беларусі і Украіны, і іх розныя шляхі дэкаланізацыі.
 
Выдавецтва: Skaryna Press Год выдання: 2022 Колькасць старонак: 78

Bloodlands 2020/2022 Belarus Ukraine

Кніга «Побач» — гэта ілюстраваны збор вершаў, які распавядае пра адзіноту і надзею, пра пошук сябе і радзімы ў шалёных варунках рэчаіснасці. Нітуючы асабістае і гістарычнае, моўнае і візуальнае, зборнік паказвае шматаблічны свет растрывожанага сучаснасцю чалавека: ад роспачы і зняверанасці да захаплення жыццём. Гэта кніга цяпла і памяці, кніга дарогі і станаўлення. Застацца «побач» на гэтым шляху — значыць захаваць чуласць і цяпло, не згубіць у полі зроку іншага чалавека, не адвярнуцца адно ад аднаго
 
Выдавецтва: Skaryničy Год выдання: 2023 Колькасць старонак: 86

Побач - Наста Кудасава, Святлана Дземідовіч

Дзеянне “Рэспублікі глухіх” разгортваецца ў перыяд палітычнай смуты на адной акупаванай тэрыторыі. Хаця месца і час дакладна не вызначаны, здаецца, што ў тых жудасных падзеях мы пазнаём сваю эпоху і сваю краіну.
Ашаламляльная вершаваная прыпавесць, якая па форме нагадвае драматычны твор, адкрываецца сцэнай забойства акупантамі глухога хлопчыка Пеці. Стрэл, які падштурхоўвае жыхароў да пратэсту, — апошні пачуты імі гук. Горад глухне, і ў гэтай цішы мова жэстаў робіцца мовай іх маўклівага супраціву.
Кніга расказвае гісторыі прыватнага жыцця гараджан ва ўмовах публічнага гвалту: пары маладажонаў, Соні і Альфонса, якія чакаюць дзіця; адважнай Мамулі Галі, якая распачынае бунт у сваім лялечным тэатры; Галіных лялечніц, што ўдзень таемна вучаць жыхароў мове жэстаў, а ўначы завабліваюць салдат па адным і забіваюць за тэатральнай заслонай.
Адначасова гісторыя кахання, элегія і палітычны памфлет, “Рэспубліка глухіх” гучыць як перасцярога і ставіць пад пытанне наша калектыўнае маўчанне перад абліччам жорсткасці і гвалту.
“Глухія не вераць у цішыню, — піша Ілля Камінскі. — Цішыню прыдумалі тыя, хто чуе”.
 
Выдавецтва: Scaryna Press Год выдання: 2023 Колькасць старонак: 75

Рэспубліка глухіх - Ілля Камінскі

Гэтая кніга пачынаецца з вымушанага выгнаньня і ў выгнаньні канчаецца. Напэўна, яе можна назваць аўтабіяграфічнай, хаця тут няма ніякіх фактаў. Напэўна, яе можна назваць спавядальнай, хаця тут няма ніякіх прызнаньняў. Яна пра корань, які не спыняе росту. Пра палявую сьцяжыну, што выводзіць у мэгаполіс. Пра каханьне, якое само ёсьць дарогай. Пра мову, якая адначасова робіцца насланьнём і ратаваньнем. Пра ягады даўніх і даўкіх успамінаў, якія нас вабяць, труцяць і лечаць. Кнігу складаюць выбраныя вершы з трох папярэдніх зборнікаў, а таксама напісаныя ў апошнія гады.
 
Аўтар: Юля Цімафеева Выдавецтва: Вясна Год выдання: 2022 Колькасць старонак: 97

Воўчыя ягады - Юля Цімафеева

RIBWORT - гэта месца, каб сесці са сваім болем і паслухаць. Вы можаце падумаць, што гэта не дапамагае. Боль, верагодна, будзе станавіцца ўсё больш і больш вострым, але калі вы сутыкнецеся з ім, калі вы захаваеце для яго месца. У рэшце рэшт ён паменшыцца да памеру драпіны, якую можа дапамагчы загаіць ліст бараду. Калі мы вылечыліся, мы робімся для іншых лісцем рабіны, каб мы маглі сесці з іх болем і паслухаць. Слухайце са спачуваннем і без страху, не абараняючыся і не ўцякаючы. Гэта тое, што нас трымае.
 
Выдавецтва: 3TimesRebel Press Год выдання: 2023 Колькасць старонак: 181

Ribwort - Ганна Комар

Уладзімер Арлоў (нар. у 1953 г.) – беларускі творца, больш вядомы ў Беларусі як празаік і эсэіст. Пры гэтым яго надзвычай тонкая арыгінальная паэзія прыцягнула ўвагу чытачоў далёка па-за межамі Беларусі, асабліва пасля прысуджэння яму першай у гісторыі міжнароднай прэміі «Еўрапейскі паэт Свабоды» ў 2010 г. Адрасуецца шырокаму колу чытачоў.
 
Аўтар: Уладзімір Арлоў Выдавецтва: Kamunikat Год выдання: 2023 Колькасць старонак: 81

Выбраная лірыка — Уладзімір Арлоў

Уладзімір Някляеў (нар. 1946 у Крэве) безумоўны класік сучаснай беларускай літаратуры, чые творы таксама перакладзены на дзясяткі моў свету. Яго паэзіі ўласцівыя сугестыунасць і надзвычайная пругкасць радка, у ёй выразна бачыцца шчыльная знітаванасць асобы лірычнага героя з мінуўшчынай, цяпершчынай і будучыняй роднага краю і ўсяго і свету.
 
Выдавецтва: Kamunikat Год выдання: 2023 Колькасць старонак: 118

Перавыбранае - Уладзімір Някляеў

“Першая нізка – гэта размовы пра маё цела і мае адносіны да яго. Чым далей я падарожнічаю, тым больш адыходжу ад уласнага цела. Там ёсць розныя ўзаемаадносіны з нейкім іншым целам, неканкрэтным. Пасля гэтага ўжо з’яўляецца канкрэтнае цела - мой партнёр. Далей – мноства іншых целаў. Гэта такі эксперымент, такое падарожжа, у каторым я спрабую разабрацца з цялеснасцю, сексуальнасцю і з мовай таксама.” Другая кніга вершаў Артура Камароўскага. У ёй аўтар працуе з такімі тэмамі як цялеснасць, гендар, сэксуальнасць, мова, радзіма і спрабуе знайсці адказы на пытанні, як яны звязаныя адно з адным і што вынікае з такой сувязі. 
 
Выдавецтва: Scaryna Press Год выдання: 2023 Колькасць старонак: 76

Corpus Vile - Артур Камароўскi

“Водападзел” – пятая паэтычная кніга Марыі Мартысевіч. Зьмяшчае вершы, якія пісаліся з 2006 па 2021 год. Аўтарка лічыць, што падводзіць рысу пад пэўным пэрыядам сваёй творчасьці. Сур’ёзна-іранічныя паэтычныя тэксты натхнёныя роднымі для яе мясьцінамі на Віцебшчыне, на Палессі, маюць прапіску на вуліцах Менска, дзе расла, жыла і творча кшталтавалася паэтка.
 
Аўтар: Марыя Мартысевіч Выдавецтва: Polackija Labirynty Год выдання: 2022 Колькасць старонак: 124

Водападзел - Марыя Мартысевіч

Крысціна Бандурына нарадзілася ў 1992 годзе ў Мазыры. Філолаг, паэтка, рэдактарка паэзіі. Выпускніца Школы маладога пісьменніка пры Саюзе бела-рускіх пісьменнікаў (2015), Школы маладога літаратара «W/Rights» (2020). У 2017-2018 гадах працавала рэдактарам аддзела паэзіі часопіса «Маладосць». Рэдактарка «Анталогіі беларускага верлібра», зборнікаў вершаў «Вада пачынае жыць» Артура Камароўскага, «Свистящий алфавит» Вольгі Маркітантавай, «Побач» Насты Кудасавай. Рэдагуе інтэрнэт-часопіс сучаснай беларускай паэзіі «Taubin». Вершы перакладаліся на рускую, украінскую, англійскую, шведскую, нямецкую, літоўскую, чэшскую, польскую і дацкую мовы. Лаўрэатка прэміі «Залаты апостраф» часопіса «Дзеяслоў» у намінацыі «Дэбют» (2016). Аўтарка паэтычных зборнікаў «Homo» (2019), «Псалмы и сонники» (пераклады на рускую, 2021). 
 
Выдавецтва: hochroth Minsk Год выдання: 2023 Колькасць старонак: 28

Самае трывожнае лета - Крысціна Бандурына

Аўтар: Вольга Злотнiкава Выдавецтва: hochroth Minsk Год выдання: 2023 Колькасць старонак: 29

Наперадзе толькі лес — Вольга Злотнiкава

Наста Кудасава - беларуская паэтка, перакладчыца. Нарадзілася 25 мая 1984 г. у Рагачове Гомель-скай вобласці. Аўтарка кніг паэзіі «Лісце маіх рук» (2006), «Рыбы» (2013), «Мае невымаўля»(2016), «Вясна. Вуснам цесна» (2021), «Побач» (2022). Перакладае паэзію з рускай, украінскай, удмурц-кай на беларускую мову. Атрымала прэмію Бела-рускага ПЭН-цэнтра «Кніга году-2016» за зборнік «Маё невымаўля», прэмію «Празрысты Эол» (2018) у намінацыі «Найлепшая паэтычная публікацыя года», літаратурную прэмію імя Міхася Страль-цова ў 2021 г. Лаўрэатка стыпендыі імя Магдалены Радзівіл для пісьменніц і перакладчыц (2018), лаўрэатка першага фэста Уладзіміра Караткевіча (2019). Вершы перакладзеныя на польскую, чэшскую, украінскую, літоўскую і іншыя мовы. У кнігу ўвайшпі вершыУ напісаныя з 20 жніўня 2020 г. па 26 снежня 2022 г.
 
Выдавецтва: hochroth Minsk Год выдання: 2023 Колькасць старонак: 41

Я працягваю - Наста Кудасава

“Шыба без шкла” – новая паэтычная кніга Касі Іофэ, якая збівае з ног не толькі сваёй назвай, але і тэкстамі. У іх паэтка разважае пра боль і спробу яго пражывання, пра гісторыю, пра сваю габрэйскую ідэнтычнасць, а таксама пра Бога і веру. 
 
Выдавецтва: hochroth Minsk Год выдання: 2023 Колькасць старонак: 29

Шыба без шкла - Кася Іофэ

Дмитрий Строцев - белорусский поэт, пишет на русском языке. Родился в Минске в 1963 году. Автор 18 книг стихов. Руководитель литературно-издательского проекта «Новые Мехи», издатель альманаха и поэтической серии «Минская школа». Член Белорусского ПЕН-центра. Лауреат много-численых премий, в том числе, премии Фонда Библиотеки Вацлава Гавела Disturbing the Peace Award to a Courageous Writer at Risk (2021), Swedish PEN's Tucholsky Award (2021) и премии Белорусского ПЕН-центра имени Алеся Адамовича (2021). Стихи переведены на многие языки.
 
Выдавецтва: hochroth Minsk Год выдання: 2023 Колькасць старонак: 49

Улей - Дмитрий Строцев

Паэтычная кніга Ганны Комар быццам глыток болю. Нягледзячы на топавасць гэтага матыву ў мастацкім свеце паэткі, тут ëн успрымаецца ў новым ракурсе. “Вызвалі або бяжы” – заклік, у якім сацыяльнае і асабістае перапляліся ў адно, стварыўшы творчае крэда – “быць мацнейшай за абставіны”. Менавіта таму ў свеце, які паўстае на старонках кнігі быццам за кратамі, паэтычнае слова адчуваецца як глыток паветра. Яго нельга забраць ажно ў затхлай турме ці аўтазаку, як немагчыма пазбавіць унутраняй свабоды, нестрыманай і бязмернай, шчырасці ў дачыненні на свету. Менавіта такое адчуванне выклікаюць вершы, напісаныя ў 2018-2022 гады, большасць з якіх прайшла для паэткі ў межах Беларусі. Затрыманні на вуліцах Мінска, збіццë ў камеры “на чатырох, дзе я была шастаццатая”, сведчанне пра вайну ва Украіне, якую перажываюць не абстрактныя ахвяры, а блізкія людзі, сябры, – усë гэта стварае летапіс часу, пераданы праз успрыманне маладой жанчыны, якая ў свеце катаваным і несвабодным не страчвае, мабыць, адзінага пакінутага ëй права – быць сабой.
 
Выдавецтва: hochroth Minsk Год выдання: 2023 Колькасць старонак: 44

Вызвалі або бяжы — Ганна Комар

Артур Камароўскі — паэт, перформер, рэдактар інтэрнэт-партала пра сучасную беларусскую паэзію «Таўбін», удзельнік ВІА «Красный Борщевик». Аўтар кніг паэзіі «Вада пачынае жыць», «Corpus Vile», «Я і ёсць забаронены сцяг». Перакладае з польскай, украінскай і шведскай моў.
 
Выдавецтва: hochroth Minsk Год выдання: 2023 Колькасць старонак: 25

Я і ёсць забаронены сцяг - Артур Камароўскі

«Расцяжэнне» — гэта збор твораў пра боль, напісаных беларускімі жанчынамі, транс і небінарнымі людзьмі ў межах лабараторыі феміністскага пісьма. Паважліва і чула працуючы з жаночым* досведам, аўтаркі раскрываюць моц, якая рухае Беларусь наперад.
 
Выдавецтва: Petro ofsetas Год выдання: 2022 Колькасць старонак: 130

Расцяжэнне

«Выбранае» Міхася Кавыля (1915–2017), беларускага паэта — эмігранта ў ЗША, — першае пасьля больш як трыццацігадовага перапынку выданьне ягонай творчай спадчыны. Удзельнік беларускага літаратурнага працэсу канца 1920-х — пачатку 1930-х, аўтар, як і шмат хто зь ягоных сяброў, быў рэпрэсаваны, адбыў свой тэрмін на Далёкім Усходзе й празь некаторы час змог вярнуцца на Бацькаўшчыну, каб зноў пакінуць яе ў 1944-м. У творах Міхася Кавыля: і ў паэзіі, і ў прозе, і ва ўспамінах — адлюстраваны пакручасты лёс беларускага інтэлігента ХХ стагодзьдзя. Гэтая кніга мае на мэце ня толькі вярнуць у нацыянальны літаратурны кантэкст творчасьць паэта-эмігранта, але й адрадзіць сэрыю “Спадчына: агледзіны”, якую Згуртаваньне беларусаў сьвету “Бацькаўшчына” выдавала яшчэ нядаўна ў Беларусі.
Аўтар: Міхась Кавыль Выдавецтва: Kamunikat Год выдання: 2023 Колькасць старонак: 390
<style type="text/css"></style>

Выбранае — Міхась Кавыль

"Світумузыка" - другая кніга беларускага журналіста Аляксея Дзікавіцкага, у якую ўвайшлі аўтарскія вершы і пераклады рок-хітоў на палескую гаворку з ваколіцаў Пінску.
Аўтар: Олексій Дыковыцькый Выдавецтва: Magenta Год выдання: 2023 Колькасць старонак: 171

Світумузыка - Олексій Дыковыцькый

Кнігу склалі выбраныя творы з пяці паэтычных кніг Уладзіміра Арлова. За адну з іх — «Паром празь Ля-Манш», пераствораную па-польску знакамітым перакладчыкам Адамам Паморскім, аўтар быў уганараваны міжнароднай прэміяй «Эўрапейскі паэт свабоды» (Гданьск, 2010).
Аўтар: Уладзімір Арлоў Выдавецтва: Kamunikat Год выдання: 2022 Колькасць старонак: 261

Паром празь Ля-Манш — Уладзімір Арлоў

Балады вядомага пісьменніка вельмі розныя па тэматыцы, месцы і часе дзеяння. Яны далёкія ад звыклых жанравых канонаў. Але ўсе балады кнігі лучыць асоба аўтара — паэта і гісторыка, вандроўніка і археолага ўласнай душы.
 
Аўтар: Уладзімір Арлоў  Выдавецтва: Kamunikat Год выдання: 2022 Колькасць старонак: 177
<style type="text/css"></style>

Апоўначы ў лонданскім доме - Уладзімір Арлоў

“Карані / Лісце” — зборнік дэкаланіяльных тэкстаў, напісаных жанчынамі, транс і небінарнымі людзьмі з Беларусі. Ён паўстаў у выніку працы фемінісцкай лабараторыі пісьма, арганізаванай архівам “Расцяжэнне” і літаратурным зінам “Фігуры” для беларускіх пісьменні:ц і паэт:ак. Мастацкія тэксты гэтага зборніка працуюць з тэмамі мовы, крытычнага асэнсавання сямейных наратываў і ўплыву імперый на гістарычную памяць, ствараючы разам аб’ёмную карцінку з розных жанравых, эстэтычных, эмацыйных і светапоглядных сістэм. Забяспечваючы прастору для шматгалосся аўтар:ак, гэтая кніга зробіць свой унёсак у дыскусіі пра мінулае, сучаснае і будучыню вольнай Беларусі.
Мовы: беларуская/расейска Год выдання: 2024 Колькасць старонак: 205

Карані / Лісце

Зборнік вершаў Ганны Янкута «Канстытуцыя» – паэтычныя развагі на палях асноўнага дакумента, «летапісу катастроф» беларускай штодзённасці. Гэта спроба акрэсліць пытанні, якія ставіць перад намі сённяшні дзень, даць ім слоўнае выяўленне: чым ёсць закон, што свет робіць з чалавекам, а чалавек – са светам. Гісторыі, якім прысвечаны зборнік, пачынаюцца з Вялікага выбуху, разгортваюцца ва ўсіх геалагічных эрах і сыходзяцца ў кропцы «тут і цяпер», каб зафіксаваць момант, які мы вымушаныя пражываць. Аўтар: Ганна Янкута Выдавецтва: Kamunikat Год выдання: 2022 Колькасць старонак: 129 
<style type="text/css"></style>

Канстытуцыя — Ганна Янкута

Андрэй Хадановіч (нар. 1973) беларускі паэт, перакладчык, літаратуразнаўца, бард. Лаўрэат шэрагу беларускіх і замежных літаратурных прэмій. Яго творчасць вызначаецца багаццем і разнастайнасцю мовы, стылістычнымі эксперыментамі ды іранічнасцю стылю. Аўтар: Андрэй Хадановіч Выдавецтва: Kamunikat Год выдання: 2023 Колькасць старонак: 118

Вершы — Андрэй Хадановіч

Зборнік вершаў польскай набэлісткі ў перакладах беларускіх паэтаў розных пакаленняў. Аўтар: Віслава Шымборска Выдавецтва: Gutenberg Год выдання: 2024 Старонак: 350

Партрэт з памяці — Віслава Шымборска

Маша Калека (імя пры нараджэнні – Голда Малка Аўфэн, 1907–1975) – паэтка і двойчы эмігрантка. Каб пазбегнуць пагромаў у пачатку Першай сусветнай вайны, яе бацькі-габрэі разам з дзецьмі былі вымушаныя пераехаць з Хшанава (горад на поўдні сучаснай Польшчы) у Германію. З канца 1920-х гадоў паэтка пачала друкаваць вершы ў нямецкіх газетах і ўвайшла ў кола берлінскай творчай багемы, якая гуртавалася вакол знакамітага “Romanisches Café”. Два першыя паэтычныя зборнікі, “Lyrisches Stenogrammheft” (“Лірычны зборнік стэнаграм”, 1933) і “Das kleine Lesebuch für Große” (“Маленькая чытанка для дарослых”, 1935) прынеслі ёй поспех і шырокую літаратурную вядомасць, аднак у 1938 годзе нацысцкі рэжым прызнаў іх “шкоднымі і непажаданымі”. У тым жа годзе Маша Калека разам з другім мужам, музыкам Хеміа Вінаверам, і сынам Стывенам эмігравала ў ЗША.
Аўтар: Маша Калека Выдавецтва: Gutenberg Год выдання: 2024 Старонак: 135

Ніхто не чакае — Маша Калека

Гэта кніга – падарунак старажытнай і вечнамаладой Вільні да яе 700-годдзя ад нас, віленчукоў: беларусаў, літоўцаў, палякаў. Ідэя гэтага трохмоўнага паэтычнага зборніка належыла Альме Лапінскене – доктарцы гуманітарных навук, якая на працягу 40 гадоў з’яўляецца нястомнай перакладніцай з беларускай мовы на літоўскую і карпатлівай руплівіцай на ніве беларуска-літоўскіх сувязяў. Яе пяру належаць і цудоўныя пераклады маіх вершаў на літоўскую мову. Вялікі дзякуй табе, дарагая Альма! Не засталіся ўбаку і палякі Вільні – адзін са старэйшых і найбольш вядомых паэтаў Віленшчыны Аляксандр Снежка не толькі элегантна і творча пераклаў вершы з беларускай мовы на польскую, але і дапамог з практычнымі пытаннямі афармлення і выдання зборніка. Нізкі паклон і шчырая падзяка за гэта, пан Аляксандр! Лёс Вільні за гэтыя 700 гадоў ніколі не быў простым і лёгкім – раз-пораз над ёй збіраліся хмары, бліскалі маланкі, грымеў гром, лютавалі завеі. Але пакуль мы, віленчукі, трымаемся разам – нас не зламіць! Аўтар: Ванда Марцінш душ Рэйш Выдавецтва: Kamunikat Год выдання: 2023 Колькасць старонак: 125

Маланкі над Вільняй — Ванда Марцінш душ Рэйш

У новай кнізе Анхэлі Эсьпіносы Руіс забраная лірыка: — пра старыя замкі Эўропы, — пра неідэальную сымэтрыю каханьня, — пра невычарпальныя пытаньні неба, — і іншыя вершы.
Аўтар: Анхела Эспіноса Руіс Выдавецтва: Kamunikat Год выдання: 2024 Колькасць старонак: 51

Астралябія божых таямніц — Анхела Эспіноса Руіс

Новая кніга Валянціны Аксак нараджаецца на пакутных шляхах змушанай блуканкі. Асабісты боль выгнаньніцы са свайго дому шматкроць узмацняецца трагедыяй зьняволеных і закатаваных у вязьніцах на радзіме. Захопніцкая вайна за яе паўднёвымі межамі не пакідае аўтарцы ні каліва спадзеву на шчаснае вяртаньне. І ўсё ж ляйтматывам кнігі ёсьць загад паэткі самой сабе: жыць навырост! Валянціна Аксак паходзіць зь вёскі Смалічы, што на Нясьвіжчыне. Жыве ў Менску. Мае дыплём гісторыка і досьвед журналісткі. Выдала кнігі паэзіі «Цьвінтар», «Капліца», «Антычны дождж», «Віно з Каліфорніі», «Ружоўніца», «Дзікая сьліва», «Завінены рай», «Кава ў арліным гнязьдзе», «Трэці Эдэм». Яе вершы друкаваліся ў перакладах на швэдзкую, нямецкую, дацкую, літоўскую, польскую, расейскую, францускую, украінскую, ангельскую, румынскую, фінскую, гішпанскую мовы.
Аўтар: Валянціна Аксак Выдавецтва: Kamunikat Год выдання: 2023 Колькасць старонак: 101

Уцёкі з Палесься — Валянціна Аксак

У паэтычным зборніку Алеся Дуброўскага-Сарочанкава біблейская сімволіка робіцца мовай для гаворкі пра сучаснасць, а адным з галоўных матываў у тэматычнай прасторы кнігі становіцца час. Выбраныя творы з зборніка публікаваліся ў часопісах "Дзеяслоў" і "Таўбін". Выдавецтва: Scaryna Press Год выдання: 2023 Колькасць старонак: 80 
<style type="text/css"></style>

Літургія часу - Алесь Дуброўскі-Сарочанкаў

Кніга Вольгі Гапеевай „Пад асобнымі коўдрамі“ — гэта падарожжа па мовах і краінах, рэальнасцях і планетах, дзе меланхолія мяжуе з іроніяй, дзе ёсць месца ўдумлівым разважанням і няпростым пытанням, дзе спалучаецца трагічнае і камічнае, штодзённае і трансцэндэнтнае. У кнігу ўвайшлі вершы апошніх гадоў (2020–2024). Вольга Гапеева (Volha Hapeyeva) — паэтка, мыслярка, перакладчыца і лінгвістка. Ейныя творы перакладзеныя больш чым на 15 моваў свету. Стыпендыятка міжнародных праграм для літаратараў, удзельніца шматлікіх міжнародных літаратурных фестываляў. Лаўрэатка літаратурных прэмій (“Rotahorn”, Аўстрыя, 2021; „Wortmeldungen“, Нямеччына, 2022 і інш.). Аўтарка кніг паэзіі “Словы якія са мной адбыліся” (2020), “Парадокс “Немаўля” (2022), “Граматыка снегу” (2017) і інш., раманаў “Кэмэл-трэвэл” (2019) і “Самота, што жыла ў пакоі насупраць” (2021), кніг для дзяцей “Сумны суп” (2014), “Дзве Авечкі” (2017), “Адна Шкарпэтка” (2020). Выдавецтва: Scaryna Press Год выдання: 2024 Колькасць старонак: 63

Пад асобнымі коўдрамі - Вольга Гапеева

Гэты зборнік — пра вечнае і адначасова пра наша цяперашняе жыццё ў “памежныя часы”. Тут не будзе апісання падзеяў у лоб, але агульны досвед жыцця ва ўмовах турбулентнасці дазваляе счытваць і разумець... ("Кніжныя размовы") Паэтычнае маўленне Аксаны Данільчык адначасова вельмі натуральнае і высокамастацкае. Натуральнасць не нагадвае знарочыстай празаізацыі, а высокамастацкасць не стварае ўражання эстэцтва. У выніку перад намі незвычайная стылістычная раўнавага, якую можна назваць нават унікальнай. (Алесь Дуброўскі) Вершы Аксаны складзеныя нібы мазаікі: увага да дэталяў, што вынікае з асобных словаў, паўзаў і маўчанняў паэтычнага рытму злучае гэтыя элементы ў аднародную і маляўнічую выніковую кампазіцыю. (Сальваторэ Дзі Марцо) Кніга атрымалася сапраўды сучаснай, надзвычай сугучнай усім актуальным працэсам — ад сацыяльна-культурных да літаратурна-мастацкіх. (Анатоль Брусевіч, “Наша вера”)
 
Выдавецтва: Scaryna Press Год выдання: 2024 Колькасць старонак: 135

Час знешняй адсутнасці - Аксана Данільчык

Беларус, журналіст „Радыё Свабода” Алег Грузьдзіловіч нарадзіўся ў Маладэчне ў 1958 годзе, школу закончыў у Берасьці, навучаўся на журналіста ва ўнівэрсытэце ў Менску, дзе і працаваў у розных мэдыя, пакуль у сьнежні 2021 году ня быў арыштаваны за тое, што асьвятляў пратэсты. Не прызнаў віны і быў асуджаны на 1,5 году зьняволеньня. Адбываў пакараньне ў менскім СІЗА на вуліцы Валадарскага і ў калёніі пад Магілёвам. Вершы і малюнкі пра арыштанта дзядзю Віцю, што ўвайшлі ў гэтую кнігу, Алег Грузьдзіловіч напісаў і намаляваў на Валадарцы для ўнукаў Евы, Сафіі, Кастуся, Аляўціны ды Анатоля, але адтуль частка лістоў не дайшла на волю праз цэнзуру. Пашанцавала з аказіяй перадаць „Прыгоды дзядзі Віці” з магілёўскага СІЗА. Пазьней у калёніі ўсе лісты і рукапісы аўтара былі зьнішчаныя. Тэкст пра Валадарку аўтар падрыхтаваў у Вільні, дзе жыве зь верасьня 2022 году.
 
Выдавецтва: Kamunikat Год выдання: 2024 Колькасць старонак: 91

Прыгоды дзядзі Віці на Валадарцы - Алег Грузьдзіловіч

У гэтай паэтычнай кнізе Анатоля Івашчанкі сабраныя вершы, што ствараліся цягам апошніх дзесяці гадоў. Тры разьдзелы аб’ядноўвае вера ў тое, што нават пасярод вусьцішнае цёмнае моўчы Мова стаецца тым ахоўным абярэгам, сьцягам і шляхам, што выводзіць да сьвятла. Адрасуецца ўсім, каму не ўсё роўна.
 
Выдавецтва: Scaryna Press Год выдання: 2024 Колькасць старонак: 96
<style type="text/css"></style>

Непрамоўленае - Анатоль Івашчанка

Кніга вершаў Сержука Сыса “DOM” — гэта паэтычны экс­курс у няпростыя часы, якія закранулі Беларусь пасля 2020 года, тонкія псіхалагічныя экспрэсіі аўтара пра ўцёкі з ра­дзімы праз пяць краін, пачатак расійскай агрэсіі ва Украіне, спроба асэнсавання рэчаіснасці ды пошукі новага месца ў жыцці. Метафарычны нерв і сюжэтнае напружанне не адпускаюць чытача ад вершаваных строф Сержука Сыса. (Леанід Галубовіч) Сяржук Сыс здолеў перадаць праз сцігмы вершаў нярвовае трапятанне сваёй душы. Жыццё, думкі, пачуцці, каханне і горыч адстойваюцца, набіраюць водар і ператвараюцца ў гаркавае, ці салодкае, ці сухое каштоўнае віно вершаў. (Алесь Бяляцкі)
 
Выдавецтва: Scaryna Press Год выдання: 2024 Колькасць старонак: 132

Dom. Паэзія выгнання - Сяржук Сыс

Багдан Ігар Антоныч (Богдан Ігор Антонич, 1909–1938) – самабытны паэт, класік украінскай літаратуры. “Кнігу Льва” склалі выбраныя творы, якія ўваходзілі ў тры прыжыццёвыя зборнікі паэта (“Вітанне жыцця”, 1931; “Тры пярсцёнкі”, 1934; “Кніга Льва”, 1936), два пасмяротныя (“Зялёнае евангелле”, 1938; “Ратацыі”, 1938), а таксама тэксты, што не змяшчаліся ў асобных выданнях, у тым ліку і ў падрыхтаваным самім аўтарам (але не надрукаваным) зборніку “Вялікая гармонія” [1932–1933]. У раздзел “Накіды, планы, фрагменты” ўключаныя асобныя матэрыялы з запісных кніжак паэта. Завяршае збор выбраных твораў яго прамова “Становішча паэта”, выказаная пры атрыманні 1 студзеня 1935 г. літаратурнай узнагароды.
Пераклады з украінскай здзейсненыя найлепшымі паэтамі ХХ стагоддзя, сярод якіх Эдуард Акулін, Мікола Аляхновіч, Рыгор Барадулін, Генадзь Бураўкін, Сяргей Законнікаў, Васіль Зуёнак, Сяргей Панізнік, а таксама ўкладальнік і каментатар выдання Вячаслаў Рагойша. Празаічныя фрагменты для выдання перастварыла Таццяна Кабржыцкая.
У якасці эпіграфаў выкарыстаныя ўрыўкі з прадмоў Ніла Гілевіча і Дмытра Паўлычкі да папярэдняга варыянта гэтага зборніка, які пабачыў свет у 2011 годзе ў выдавецтве “Каменяр” (Львоў) невялікім накладам. Новае выданне, здзейсненае праз 12 гадоў, – добрая магчымасць для беларускага чытача адкрыць для сябе творчасць аўтара-мадэрніста, які аказаў каласальны ўплыў на развіццё ўкраінскай паэзіі ў ХХ стагоддзі.
 
Выдавецтва: Зміцер Колас Год выдання: 2023 Колькасць старонак: 103
<style type="text/css"></style>

Кніга льва. Выбранае - Багдан Ігар Антоныч

У 2014 годзе ісландскі паэт Адальсьэйн А. Сігюрдсан быў госцем Міжнароднага паэтычнага фестывая імя Міхася Стральцова «Вершы на асфальце». Вынікам візіту зрабілася гэтая кніга ў перакладзе Марыі Пушкінай: ⠀ Пацверджанне Мінулай ноччу я зноў чуў як выпроствае крылы сонм анёлаў. ⠀ Я моўчкі падняўся з ложка зірнуў у вакно размаляванае марозам. ⠀ У садзе выпаў свежы снег сляды птушак і калі прыгледзішся сляды анёлаў лёгка пазнавальныя па крылах узбунтавалі белую тканін. ⠀ У якасці паслямовы выданне дапаўняе эсэ полацкага этнографа і паэта Уладзіміра Лобача, якое на ўзроўні знакаў збліжае Беларусь і Ісландыю.
 
Выдавецтва: Зміцер Колас Год выдання: 2023 Колькасць старонак: 71
<style type="text/css"></style>

Чорнае неба - Адальстэйн Аўсберг Сігюрдсан

<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">Зборнік украінскай паэзіі ў перакладах на беларускую мову выпусціла камнада Інтэрнет-часопіс сучаснай беларускай паэзіі "Taubin" і шведскае выдавецтва «Ariel Förlag». «Пра словы і цішыню між імі» — зборнік з падборкай ўкраінскай паэзіі, што публікавалася на віртуальных старонках часопіса.</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">«На працягу двух гадоў з пачатку лютаўскай інвазіі Расіі ва Украіну, салідарныя з нашымі ўкраінскімі сябрамі і ўсім украінскім народам, мы друкавалі пераклады актуальнай украінскай паэзіі на беларускую мову», — адзначаюць укладальнікі зборніка.</div>
</div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">У зборніку прадстаўлены вершы 13 аўтараў і аўтарак, некаторыя з якіх проста зараз ваююць на фронце.</div>
<div dir="auto"> </div>
<div dir="auto">
Выдавецтва: Taubin <span data-sheets-root="1" data-sheets-value="{'1':2,'2':'Год выдання'}" data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" bis_size='{"x":12,"y":292,"w":169,"h":38,"abs_x":435,"abs_y":572}'>Год выдання: 2024 Колькасць с<span data-sheets-root="1" data-sheets-value="{'1':2,'2':'Старонак'}" data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" bis_size='{"x":95,"y":312,"w":85,"h":18,"abs_x":518,"abs_y":592}'>таронак: 64
</div>
</div>
<style type="text/css"></style>

Пра словы і цішыню між імі

Міхал Анемпадыстаў сваёй творчасцю будаваў Каралеўства Беларусь — поўнае стылю, густу, шляхетнасці і любові да свайго. Рознабаковы і гарманічны, канцэптуальны і разнастайны — візуальнае, тэкставае і музычнае нарошчвалася на стрыжань ідэі і разрасталася прыгожым, укарэненым у сваю зямлю і традыцыі дрэвам. Калі крышацца ў друз эпохі, застаюцца галасы, словы і музыка. Застаецца інтанацыя, на якую абарочваліся, за якой ішлі, якую шукалі. Стыль 1990-х для беларускага кола быў зададзены Міхалам Анемпадыставым. Голасам таго часу сталіся спевы Каралевы беларускага року. Паэзія, праспяваная ёй, адважна і пяшчотна змяняла прастору і нас саміх у ёй. Уздымала і адорвала небывалым. Свет тады на вачах поўніўся навізной пад гітарныя акорды і прамоўленыя словы. Так здавалася. Так было. Ці помніш ты, як мала мы спалі? Ці помніш ты, як шмат мы прыснілі?
 
Выдавецтва: Tsymberau <span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Год выдання'}" data-sheets-root="1" bis_size='{"x":12,"y":292,"w":169,"h":38,"abs_x":435,"abs_y":572}'>Год выдання: 2024 Колькасць с<span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Старонак'}" data-sheets-root="1" bis_size='{"x":95,"y":312,"w":85,"h":18,"abs_x":518,"abs_y":592}'>таронак: 101

Ці помніш ты — Міхал Анемпадыстаў

Гэта каштоўнае выданне дазваляе зразумець драматычны стан адной з самых значных беларускіх паэтак ХХ стагоддзя, што пражыла яркае, але кароткае жыццё, адчуць смак дынамічнай беларускай паэзіі 1920-х гадоў, а галоўнае – вярнуць у гісторыю нашай літаратуры імя неардынарнай асобы і творцы – Зінаіды Бандарынай. Кніга яе выбранай паэзіі "Да новага заўтра" ўключае як вершы з прыжыццёвых зборнікаў і перыядычных выданняў, так і творы, якія нідзе не друкаваліся.
 
Выдавецтва: Альфа-кніга <span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Год выдання'}" data-sheets-root="1" bis_size="{'x':12,'y':292,'w':169,'h':38,'abs_x':435,'abs_y':572}">Год выдання: 2023 Колькасць с<span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Старонак'}" data-sheets-root="1" bis_size="{'x':95,'y':312,'w':85,'h':18,'abs_x':518,'abs_y':592}">таронак: 308
<style type="text/css"></style>

Да новага заўтра — Зінаіда Бандарына

Кніга лірыкі Уладзіміра Някляева. Супервокладка, каляровыя малюнкі.<span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Год выдання'}" data-sheets-root="1" bis_size="{'x':12,'y':292,'w':169,'h':38,'abs_x':435,'abs_y':572}"><span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Старонак'}" data-sheets-root="1" bis_size="{'x':95,'y':312,'w':85,'h':18,'abs_x':518,'abs_y':592}">

Знічы кахання — Уладзімір Някляеў

Восьмы зборнік вершаў Славаміра Адамовіча, і другі з паэтычных, выдадзены за ўласныя сродкі аўтара. Тэксты, сабраныя ў кнізе, канкрэтныя і часам нават жорсткія, як і час, у якім тут і цяпер мы жывем.
 
Выдавецтва: Skaryničy Год выдання: 2024 Колькасць старонак: 207
<style type="text/css"></style>

Адрэналін. Вершы пасьля пяцідзесяці — Славамір Адамовіч

«Габрэйскія мелодыі» — паэтычны цыкл з апошняй кнігі Генрыха Гайнэ «Рамансэра» (1851), які ўключае тры творы. «Прынцэса Шабат» — чуллівы і ў той жа час іранічны аповед пра адно з галоўных свят габрэйскага народа — Шабат. «Егуда бен Галеві» — узнёслая і жартаўлівая паэма пра найвялікшага габрэйскага паэта Сярэднявечча. «Дыспут» — дасціпная крытыка абмежаванасці мыслення і засяроджанасці на догмах на прыкладзе спрэчкі паміж рабінам і манахам. У кнігу таксама ўключаны верш «Донна Клара» са зборніка «Кніга песень». Пераклады суправаджаюцца грунтоўнай прадмовай Г. Сінілы і каментарыямі.
 
Выдавецтва: Цымбераў Р. М. Год выдання: 2023 Колькасць старонак: 104

Габрэйскія мелодыі — Генрых Гайнэ

«Песні для мёртвых і ўваскрэслых» — гэта лірычны міф пра тое, як гісторыя гвалту моўчкі жыве ў асобным чалавеку. Паэтка спявае свае Lieder у цемры рымскіх касцёлаў, у святле памяці, уяўлення, гісторыі і музыкі.
 
Выдавецтва: Пфляўмбаўм Год выдання: 2024 Колькасць старонак: 102
<style type="text/css"></style>

Песні для мёртвых і ўваскрэслых — Вальжына Морт

У кнігу Усевалада Сцебуракі «Беларускія зоркі» ўвайшлі выбраныя творы розных гадоў. Упершыню пад адной вокладкай сабраныя лепшыя ўзоры паэзіі, перакладаў, малой прозы, а таксама фрагменты з вялікай кнігі сямейнай гісторыі «Сцебуракаў лёс», дзе аўтар паўстае не толькі як апавядальнік, але і як інтэрпрэтатар і даследчык. Прадстаўлены ў кнізе корпус тэкстаў дазваляе чытачу адчуць тэматычную разнастайнасць і ў поўнай меры пазнаёміцца са светапогдяднай канцэпцыяй аўтара.
 
Выдавецтва: Цымбераў Р. М. <span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Год выдання'}" data-sheets-root="1" bis_size='{"x":12,"y":292,"w":169,"h":38,"abs_x":435,"abs_y":572}'>Год выдання: 2024 Колькасць с<span data-sheets-userformat="{'2':19395,'3':{'1':0},'4':{'1':2,'2':4555150},'9':1,'10':1,'11':4,'12':0,'14':{'1':2,'2':16777215},'17':1}" data-sheets-value="{'1':2,'2':'Старонак'}" data-sheets-root="1" bis_size='{"x":95,"y":312,"w":85,"h":18,"abs_x":518,"abs_y":592}'>таронак: 218
<style type="text/css"></style>

Вершы

105zl

75zl

45zl

40zl

65zl

40zl

40zl

50zl

25zl

45zl

45zl

45zl

45zl

45zl

45zl

45zl

26zl

82zl

30zl

40zl

40zl

35zl

38zl

35zl

40zl

29zl

63zl

35zl

38zl

25zl

35zl

35zl

63zl

35zl

35zl

33zl

33zl

60zl

27zl

59zl

60zl

38zl

32zl

35zl

37zl