Свет літар пані Понюшкі — Ганна Шчуко

Ганна Шчуко: “А вы ведалі, што часам літары ажываюць і нават могуць прыйсці да нас у госці? Аднойчы так і здарылася! Літары, усе пераблытаныя, падбеглі да мяне і папрасілі іх намаляваць. Тады я суняла іх і па чарзе намалявала для кожнай сваю гісторыю. Так атрымалася гэтая кніга. Не проста азбука, а цэлы сусвет – дзіўны і вясёлы, каляровы і жывы. А апынуцца ў ім вельмі лёгка – трэба толькі раскрыць гэтую кнігу.” 

Нішто ня выпала з-пад увагі аўтаркі. Яна намалявала гісторыю нават для знака “апостраф”, які ня лічыцца часткай беларускага алфавіта. Але ён важны, бо абазначае асобнае вымаўленне літар, якія падзяляе, робіць наша маўленне нашым.

Кніга змяшчае 33 малюнкі з тэкстамі для ўсіх літар беларускага алфавіту. Сюжэт кожнага малюнка аб’ядноўвае словы, якія пачынаюцца на адпаведную літару ці маюць яе ўсярэдзіне. Кніга таксама ўключае ўвесь алфавіт на адным развароце і слоўнік-падказку.

Для дзяцей дашкольнага ўзросту, бацькоў, выхавальнікаў дзіцячых садкоў, настаўнікаў.

Прэзентацыя кнігі: https://www.youtube.com/watch?v=UXGPf4RYGTQ
Выдавецтва: Цымбераў Р. М.
Год выдання: 2023
Колькасць старонак: 44