У спеўніку прадстаўленыя адметныя і цікавыя ўзоры беларускай народнай творчасці (каляндарна-абрадавыя, пазаабрадавыя песні і балады), прыдатныя для сумеснага выканання. Гэта тэксты, якія не адно стагоддзе збіралі беларусаў для пачэсных спраў і вясёлых сустрэч, аб'ядноўвалі і натхнялі. Адрасуецца ўсім, хто цікавіцца беларускім фальклорам і традыцыйнай культурай. Укладальнікі: Яніна Грыневіч, Сяржук Доўгушаў Выдавецтва: Медиал Год выдання: 2020 Старонак: 39

Народны спеўнік

У спеўніку прадстаўлены адметныя ўзоры фальклору зімовага цыкла – калядных песень, што выконваюцца на працягу ўсяго святочнага перыяду з 24 снежня па 6 студзеня (з 6 па 19 студзеня). Песні з розных рэгіёнаў Беларусі пададзены з нотамі і прыдатныя для супольнага выканання. Яны яднаюцд ствараюць асаблівы радасны настрой, выказваюць пажаданні лепшай долі, шчасця і дабрабыту ў будучым годзе. Адрасуецца ўсім, хто цікавіцца беларускім фальклорам і традыцыйнай культурай
 
Выдавецтва: Tradycyja Год выдання: 2020 Колькасць старонак: 46

Калядны спеўнік - Сяржук Доўгушаў

Унікальная кніга, метадычны дапаможнік па выхаванню дзяцей у беларускай традыцыйнай культуры ад этнапедагога Ларысы Рыжковай. У сваёй кнізе Ларыса Рыжкова дзеліцца багатым, больш за 30-гадовым досведам працы, паказвае, якім чынам можна далучыць дзяцей да народных слухавых спеваў, раскрывае пытанне сваёй методыкі. Праз гульні, казкі, народныя забавы і святы яе навучэнцы прыходзяць да разумення песенных вобразаў, абрадаў, побыту, узаемаадносінаў продкаў і становяцца часткай традыцыйнай беларускай культуры.
 
Выдавецтва: Tradycyja Год выдання: 2022 Колькасць старонак: 87

Выхаванне спевака - Ларыса Рыжкова

Выданне знаёміць слухачоў з традыцыяй беларускіх застольных песень, сабраных у розных рэгіёнах Беларусі з 1960-х гадоў да нашага часу.
Спевы суправаджалі нашых продкаў ад нараджэння да смерці. Бяседныя песні спявалі ў святочныя моманты, калі ў застоллі збіраліся сям’я, суседзі і знаёмыя. Іх рэгіянальныя назвы — застольныя, гасцявыя, п’яніцкія, карчомныя, банкетовыя, пірушачныя, кірмашовыя. Пра бяседныя песні казалі: “Як толькі адну чарачку вып’ю — і ўсё, пашло: вы сядзіце, а я буду песні пяяць”.
Бяседныя песні выконвалі на застоллі ў гонар нараджэння дзіцяці і ўслаўлялі гасціннасць і шчодрасць гаспадароў, добры пачастунак. У песнях “пад чарачку” апавядалі пра сямейныя ўзаеміны: жыццё ў няроднай сям’і, адносіны з мужам, свёкрам ды свякроўю, смутак па родным доме.
“Спявалі пра развітанне з бесклапотным жыццём, велічалі маладых, жартавалі з дружыны жаніха і нявесты на вясельным застоллі. У час кірмашоў і фэстаў, куды з’язджаліся сваякі і знаёмыя, спявалі кірмашовыя песні”, – тлумачыць укладальніца “Бяседных песень” Яніна Грыневіч.
Большасць застольных твораў былі не абрадавымі, а “жызненнымі”. У іх расказвалі пра жаночую долю, няспраўджаныя надзеі, нялюбага мужа: “Я ж думала, што сакол леціць, аж нелюбы й уздагон бежыць”, нявернасць ды сацыяльную няроўнасць. Вясёлыя, гумарыстычныя творы суседнічаюць з сумнымі, задуменнымі.
 
Выдавецтва: Tradycyja Год выдання: 2023 Колькасць старонак: 79

Бяседныя песні - Сяржук Доўгушаў, Наста Някрасава

Навуковае выданне. Рэцэнзент Таццяна Валодзіна.
2153 аўтэнтычныя запісы аповедаў пра сон: тлумачэнні, апісанні варажбы і абміранняў, перасцярогі і парады, спосабы “закладання” на сон.
 
Выдавецтва: Gutenberg Год выдання: 2023 Колькасць старонак: 356

Традыцыя

20zl

20zl

60zl

25zl

99zl